පිං කැටය

තුන්ලොවක් වෙත
මොක් මග පෑදු
අප මහ බුදුපියාණන්
ඉදිරිපිට තබා ඇත
පිං කැටය

පිං කැමති අයවලුන්
නිතර යන එන බැතිමතුන්
දමා යති ශත ගණන්
පිංකමක් පතමිනේ

පිවිතුරු මල් මිටක්
මිස කුණු වැටුනු මිල මුදල්
එපා තබන්නට
බුදු සමිදු ඉදිරියේ

ඇය සුදුයි
උසයි
නමින් දික්තලය

ඔහු කලුයි
මිටියි
නමින් කාලගෝලය

සත් වසක් කඹුරා
රැගෙන යයි ඔහු ඇයව
සහේට කැන්දා

මගදී අතරමග
හමුවුණි දික්පිටිය
කඩවසමින් යුතු

බිදුනි සිත කාල ගෝලගෙන්

බැදුනි සිත දික්පිටියාට
පැනගියාය ඈ

වියතුන් සභා මැද
උරුම උනි දික්තලට ඇයව
උරුම උනි කාලගෝලට දුකම

කලක් ගත උනි මෙලෙස
දික්පිටිය හා දික්තල
පවුල් කෑහ එකට

එහෙත් දිනක්
දැන ගතිනි ඇය
දික්පිටිය විවාහක බව
දරුවන්ද සිටින බව

ඇරඹුණි ආරවුල
දික්තල වැටුණි මහ පාරට
දික්පිටිය වැටුණි භාරයට සිය අඹුගෙ

නැත යාමට මගක්
නැත පිළිසරණක්
සිහිවුණි දික්තලට කාලගෝලව

දිරිකොට සිත
පැමිණියාය
හමුවන්නට ඔහුව

පුදුමයකි සිත
අරුමයකි ආදරය
භාරගතිනි ඔහු ඇයව
දරුවකුද සමග

නිමවුනි මෙලස
අදියර දෙවෙනි
දික්තල කාලගෝල

අපේ කමට ,ගමේ රසට, හෙළයා......

මහ මඟ.....
කඩ පිලේ....
සල්පිලේ .....
පොල් අතු වලින් වට කර
පිදුරු හෙව්ලි කර වහලයට
රතු හාලට.....
කැකුලු බතට .....
මාලු පිනි....
සමග
මිරිස් කරලක්.....
පපඩමක්.....
තබා
නෙලුම් කොලේට .....
කෙසෙල් කොලේට....
බෙදා
රෙද්ද හැට්ටෙ
බැනියම් ,සරම්
ඇද
අපේ කමට
ගමේ රසට
හෙළයා විකිණීමට ඇත

කදුලේ චක්‍රය

හදවතින් නෙතට...
නෙතින් දෙකම්මුලට...
දෙකම්මුලෙන් නිකටට...
නිකටින් පපුවට...
පපුවෙන් වායු ගෝලයට...
වායු ගෝලයෙන් හුස්ම වලට...
හුස්ම වලින්...
නැවතත් හදවතට.......

මගෙ බන්ඩිය චන්ඩියි

මාස ගානක් අම්මගෙන් කිරි බිපු
කටට රහට බත් ගුලි ගිලපු
කොල මැල්ලුම්,අල,බතල, යසට ගිලපු
ගෙදර පලතුරු ගෙඩි පිටින් කාපු

උඹේ බන්ඩියට වඩා

පිටරට හරක්ගෙ කිරි මාස ගානක් බීපු
එදා වේලෙ පොඩි පොඩි කෑම ජාති ගත්තු
හොදට "කන්නයි බොන්නයි" පුරුදු වෙච්ච
මගෙ බන්ඩිය චන්ඩියි.......
හූ..... හූ.......

ලංකාවෙ අපි

ජීවිතේකට

අල්ලපු ගෙදර

එකා එක්කවත්

කට පුරා

හිනා වුනේ නැති

අපේ ඇත්තො

කට පුරා ලස්සන හිනාවක්

මූනු පොතේ

දාගෙන බරටම

කතාව දැන් .........

ලංකාවෙ අපිනෙ

සංවර්ධන පාන් ගෙඩිය

අතීත පුරාජේරුව

නැමති

ඊස්ට් යොදා පුම්බන ලද

පිටි මෝලිය

දේශමාමක බක්කරේ
විසින්

පුච්චන ලද සංවර්ධනය

නැමති

පාන් ගෙඩිය කන්නද........?

.......එපා එපා........
ඕක හැදුවේ

පෙන්නන්න විතරයි

E- Farming

කිසිදාක

පස් පිඩක් පෙරලලා

මඩ ඩිංගිත්තක් ගාගෙන

බීජ ඇට වපුරල

සාත්තු කරල

අස්වැන්නක්

නොගත් එවුන්

දැන් බරටම

මූනු පොතේ

වගාව

පාඩම් කිරීම

පොතක් අරගෙන

අතට

වැදගත් සියලු

කරුණු

පිලිවෙළට

පාට කූරකින්

පාට කිරීම

සහ

වැදගත් සියලු

කරුණු

කෙටි සටහනකට

දැමීම

මතකයට එපා........

වෟතීය අධ්‍යාපනය

ඇති එවුන් යන
නැති එවුන් නොයන
උපාධියට වඩා වටින
වෟතීය අධ්‍යාපනය

ඇරඹුම ලොකුය
අදියර පලමු වැනි
වැඩි ලකුණු
සියල්ලෝම සමත්ය

පිවිසුම පටුය
අදියර දෙවෙනි
අඩු ලකුණු
ටික දෙනෙක් සමත්ය

ගමන දුෂ්කරය
අදියර ඉන්පසු
නැත ලකුණු
අයෙක් සමත්ය

පිළිගැනුම ඉහලය
පුද්ගලික සැමගේ
ගමන අපහසුය
නැති උන්ට

වෟතීය අධ්‍යාපනය

කැටයම් බෞද්ධයා

සම්බුද්ධත්ව ජයන්තියට

පාට සව්කොල
රූප කඩදහියෙන්
අලංකාරව කැටයම් කල
බෞද්ධකමේ අටපට්ටම
අව්,වැසි,සුළගට
ජරා ජීර්නව ගොස් ඇත

"ඕක ගලවල ව්සිකරන්න, ඊළග පාර වෙන කැටයමක් දාමු"
(කැටයම් බෞද්ධයා)

කෙල්ලො එපා.......

දෑවද්දට
බඩු මුට්ටු එක්ක
දඩෝරියෙක් හම්බ උන
නරි බෑනෙක්

වැද්දෙක්ගෙන්
කඩු පහර කෑ
මනමේ කුමාරයෙක්

හත් අවුරුද්දක්
මෙහෙවරකම් කරල
දුක උරුම කරගත්තු
කාලගෝලයෙක්

හමුවුනි එකට බස් නැවතුම් පලක
"අපි කෙල්ලෙක් නැති බස් එකක නැගල යමු අපේ ගමන "

නායකයෙක් වන්නට නම්........

වම දකුණ වම
වම දකුණ වම
වම දකුණ වම

ව... ඇති ඇති
අද ඉදන්
දකුණට....... හැරේන්
පහසුවෙන් යා........න්

දකුණ දකුණ දකුණ
දකුණ දකුණ දකුණ
දකුණ දකුණ දකුණ

දැන් කරදරේ ඉවරයිනේ

ඇති ඇති නවත්තන්න ඕක

එපා මට
ඔය බොරු කතා.....
චාටු දෙබස්.............
සුරංගනා කතා........
සුරංගනා ලෝක......

ඇති වෙලා මට ඕවා
නවත්තන්න ඕක

එක පාරක් ආදරෙන්
"ආදරෙයි"
කියන්න මට ඇත්තටම
ඔය ගැහෙන හදවතින්

නැත්නම් හැදෙයි මට පිස්සු

ගැටිස්සියේ බලාගෙනයි...

යාන්තමට ගැට ඉස්සුනු

ගැටිස්සියක්
යාන්තමට රැවුල වැවුන
ගැටවරයෙක්
අතේ එල්ලී සිටියාය
පෝලිමේ
එනතුරු තම වාරය
මිලදී ගන්නට
කොන් හතරක පෙට්ටියකට වී
නැරඹීමට චිත්තර පටියක්

සොයුරියේ..................

නුඹ නොදුටු ලෝකයේ
සැරිසරන්නේ බලාගෙනයි.............!
කොන් හතරේ පෙට්ටියෙන්

එබී බලනු

එහා ඇති නුඹේ ලෝකය දෙස
ඒ ලෝකය
නුඹ දෙස බලා හිදී
සෙනහසින් සේම
වක් වූ හොර දෙනෙත් වලින්

තත්පර කටුව

ටික් ටික් ටික්.....

ටක් ටක් ටක්.....

එක තත්පරයක් වත්

අහක නොදා

එක හැල්මෙ


එක දිගට

කැරකැවෙන

තත්පර කටුව

අද පොඩ්ඩක්

හිමින් කැරකියන්කො......

මම යනවා මම හම්බවෙන්න

ටෙලි නාටකය..........

පාට පියරු

සුවද ඇග තැවරූ

චරිතද

කථා,දෙබස්

තිර පිටපත්

වනපොත් කල

චරිතද

පමණි ඇත්තේ

නැත අරුතක්

ජීවිතයට

ටෙලි නාටකය

එපා මල් කඩන්න..........

හොවා ගෙන

දුරකථන සවන් පත් ළග


රුවා ගෙන

ඇබ සවන් පත් තුල


උදේ සිට.............
උදේ වනතුරු......



දොඩ වන්නේ මහ මෙරක්ද........ ?
ඔතරම්..........????



බැලුවේ නැතිද........? වටපිට
දැනුනේ නැතිද........? වටපිට

නුඹ දෙස.............


සවන් පත් කොපමණ
දෙනුවන් කොපමණ



බලා සිටින බව,
ලත වෙන අන්දම


කඩන්න මලක් නොමැතිව


එපා මල් කඩන්න...............

කාගෙද මේ නද............

කාක් කාක්.........


කුක්කු කූක් කූක්.......


උම්බෑ උම්බෑ..........


ට්න් ටින් ටින්.........


බක බක...................


හෙලෝ හෙලෝ...............

සුභ අලුත් අවුරුද්දක් වේවා.............

සුභ අලුත් අවුරුද්දක් වේවා.............

ගොඩ කාලෙකින් ලියන්න බැරි උනා.... ආයෙමත් පටන් ගම්මු.....

රූකඩ කතාව

තනිව වැනෙන්නට
හැකියාවක් නොමැති වුවත්
පිටුපසින් ඇදෙන නූලකින්
එහාමෙහා වැනෙනෙ
රූකඩ සරඹකි........

හුදෙක් නරඹන්නට
කැමත්තක් නොමැතිමුත්
කරන්නත් යමක් නොමති බැවින්
නරඹන්නට ආ
රූකඩ සරඹකි..........

දහසකුත් දේවල්
ඇතිමුත් සිතේ තදකරගෙන
පැවසුවා එය මාහටම
රුකඩ සරඹ........

එනමුත්
පිටු පසින් ඇති
පණ හඩකින් හඩ කැව්වද
රූකඩ සරඹ.......

මගේසිතැගි
පවසනු කෙළස කවුරුද?
මමත් රූකඩයක් සේ හැගෙන බව
නුඹේ ආදරේ නුලෙන් ඇදෙන.......

කෝ තාම නැහැනෙ...

උසස් පෙල...............හරි

උපාධිය....................හරි

ඉංග්‍රිසි.......................හරි

කොම්පියුටර්............හරි

ආ...චාටඩ් එකත්

අමාරුවෙන්..... ........හරි

සුදුසුකම් ඔක්කොම..හරි

ඉන්ටව් එක ආ...... එකත් පාස් නොවැ

ඒත් යකෝ කෝ එන්ට කිව්වෙ නැහැනෙ තාම රස්සාවට

ඈ... බන් උඹට කොහොමැයි රස්සාව හම්බ උනේ

උඹට නෑනෙ මංත්‍රීතුමාගෙ ලියුම ඒකයි හම්බ නොවුනෙ

ලාබයි......... අඹද...? ඇපල්ද......?

අච්චර දුර ඉදන් ආපු
ඇපල් ගෙඩියට
වඩා.....
මෙච්චර ලග ඉදන් ආපු
අඹ ගෙඩියට
තියෙන ගණන්.........
සියරට දේ සිරි සැප දෙනවලු නේ........