අඹ යහළුවා

ජීවන ගමන් මගේ හමුවූ

ජීවිතයට ජීවය දුන්

සැපේදී මෙන්ම දුකේදීත්

බිතු සිතුවමක් මෙන් පිටු නොපෑ

මගේ අඹ යහළුව බලන්

අර ඈත පෙනෙන සයුරෙන් එහා ලෝකයේ

නුඹ වාගේ අය අඩුයි නොවැ

ලාබයි... ලාබයි..... උපාධිය

අම්මේ..........
ලොකු මල්ලිට කියන්න
මේ පාර A/L වලට
එච්චර මහන්සි වෙන්න ඕනි නැහැ කියලා
තාත්තට කියන්න
ගෙදර ඉඩමේ ඔප්පුවෙනුයි,
හරක් ටික විකුනලා,
ලියද්දත් විකුනලා,
තව ණයක් අරගෙන,
සල්ලි ලෑස්ති කර ගන්න කියලා
දැන් සල්ලි දීලා උපාධිය ගන්න පුලුවන්
අපි වගේ මහන්සි වෙන්නෙ නැතුව
අනික අපිව දැන් ගනන් ගන්නෙ නැහැ නොවැ
එව්ව පිටරට උපාධිනෙ.........................

කැන්ටිමේ Recycle

මිරිකා කිරි ඉවත් කර ගන්නා ලද

පොල් කුඩු

නැවත

සම්බෝල හා මැල්ලුම් ලෙස

ප්‍රයෝජනයට ගැනීම........

අත් එසවීම

නාඩන් පූස් මල්ලියේ

නුඹට විතරක් නොවේ ඔය සරදම්

අපිටත් උරුමයි ඔය සරදම්.........

ඇත්ත කතා කරන සෑම මොහොතකදිම

නුඹ්ට වාගෙම අපිටත්..............

ඔය දඹර ඇගිල්ල එසවෙනවා

එතකොට අපිත් නුඹ වාගේම

බයටම අත් ඔසවනවා

අවසනට නුඹට වගේ

නිදහස

අපිටත් නැතිවෙනවා

රත්තරං වටින තෑග්ගක්

නුඹේ ඔය

රන් දෑතින් ඔසවන්නේ

කිලෝ වලින් මැනිය හැකි

බරක් නම් නොවේ...

නුඹ ඔය ඔසවන්නේ

ලංකා මෑණියන්ගේ

මිල කල නොහැකි වූ අභිමානයයි

පොදු රදුන් නුඹට දුන්නේ රිදී වුවද

අපිට නම් එය

රත්‍රං වලට වඩා වටිනේය

දකින විට නුඹේ ඔය

සාඩම්බරයෙන් පිරි මුහුන

හැගේ අපිටද සාඩම්බරයක්

නුඹද ලක් මෑණියන්ගේ

උතුම් වු පුතෙකි

ජය වේවා

චින්තන විදානගේ සොහොයුරනෙනි.

එපා මට සල්ලි

බඩ ගින්නට
බල්ලෙකුට වත් කන්න බැරි
ඔය සල්ලි එපා මට
වීසි කරන්න ඕවා........
ගත්ත තැනටම ආපහු
ජීවිතේ වහන්න බැහැ
ඔය කොල වලින්
ඔයිට වඩා
ගොඩාක් වටිනවා
ජීවිතේ අපේ

පාට සමනලියෝ

රන්චු ගැහිලා
රෝන්දෙ යන
පාට පාට සමනලියෝ..............
බලාගෙනයි
නුඹේ ඔය
පාට යාවි හේදිලා........ වතුරට
නැද්ද දන්නේ.....?
නුඹේ පාට වල ඇති අගය..............