අත් එසවීම

නාඩන් පූස් මල්ලියේ

නුඹට විතරක් නොවේ ඔය සරදම්

අපිටත් උරුමයි ඔය සරදම්.........

ඇත්ත කතා කරන සෑම මොහොතකදිම

නුඹ්ට වාගෙම අපිටත්..............

ඔය දඹර ඇගිල්ල එසවෙනවා

එතකොට අපිත් නුඹ වාගේම

බයටම අත් ඔසවනවා

අවසනට නුඹට වගේ

නිදහස

අපිටත් නැතිවෙනවා

රත්තරං වටින තෑග්ගක්

නුඹේ ඔය

රන් දෑතින් ඔසවන්නේ

කිලෝ වලින් මැනිය හැකි

බරක් නම් නොවේ...

නුඹ ඔය ඔසවන්නේ

ලංකා මෑණියන්ගේ

මිල කල නොහැකි වූ අභිමානයයි

පොදු රදුන් නුඹට දුන්නේ රිදී වුවද

අපිට නම් එය

රත්‍රං වලට වඩා වටිනේය

දකින විට නුඹේ ඔය

සාඩම්බරයෙන් පිරි මුහුන

හැගේ අපිටද සාඩම්බරයක්

නුඹද ලක් මෑණියන්ගේ

උතුම් වු පුතෙකි

ජය වේවා

චින්තන විදානගේ සොහොයුරනෙනි.

එපා මට සල්ලි

බඩ ගින්නට
බල්ලෙකුට වත් කන්න බැරි
ඔය සල්ලි එපා මට
වීසි කරන්න ඕවා........
ගත්ත තැනටම ආපහු
ජීවිතේ වහන්න බැහැ
ඔය කොල වලින්
ඔයිට වඩා
ගොඩාක් වටිනවා
ජීවිතේ අපේ

පාට සමනලියෝ

රන්චු ගැහිලා
රෝන්දෙ යන
පාට පාට සමනලියෝ..............
බලාගෙනයි
නුඹේ ඔය
පාට යාවි හේදිලා........ වතුරට
නැද්ද දන්නේ.....?
නුඹේ පාට වල ඇති අගය..............

බෙදා ගන්න නෙවෙයි බදාගන්න

ඒ කාලේ
වෙරළු ගෙඩියත්
හරි හතකට බෙදාගෙන කන්න
ඉගෙන ගත්තු අපිට
දැන් කාලේ
පිනට් පැකට් එකක්ම
බදාගෙන කන්න
උගන්වන අපූරුව........

කාලෙකට පස්සෙ

ඔන්න කාලෙකට පස්සෙ ආයෙත් බ්ලොග් ලියන්න පටන් ගත්තා.බ්ලොග් එකේ ඇඩ්රස් එක වෙනස් කල හින්දා ලියන්න බැරි උනා.ඔන්න ආයෙත් ලියනවෝ.

ඇය සහ ඔහු

ඔහුගෙන්ද
"ඇය"
හැදුනේ?
ඇයගෙන්ද
"ඔහු "
හැදුනේ?