කී....න්..... මෙන්න මදුරුවෙක්.... චටාස්.......

''මිනිස්සු මෙච්චර කුහකයි කියලා 
මම නම් හිතුවෙ නැහැ කවදාවත්ම ''


තැන් තැන් වල
එක එක ජාතියෙ
වැදුම් ගෙවල් හදල
අපිට වින්නඹුකම් කරල
අපිව උපද්දවලා
දැන් එනව
මහ ලොකුවට
අපිව මරන්න

මම අහන්නෙ මගේ එෆ්.එම්

බඩු මල්ලකට
මුදල් තෑගි වලට
රත්තරන් කෑල්ලකට
රීලෝඩ් එකකට


එපා පාවා දෙන්නට
රත්තරන් වලට
වඩා වටින
ඔබේ
උසස් රසවින්දනය

ගම් මැද්දේ අවුරුද්ද-ඔබ සැමට සුභ අලුත් අවුරුද්දක් වේවා.......

ඔබ සැමට සුභ අලුත් අවුරුද්දක් වේවා.......

නැකතේ පාටට උජාරුවට හැදපැළද ගත්
හැඩකාර නිවේදක නිවේදිකාවන්
මෙහෙයවති අවුරුදු උදානය
විවිධ අරුමෝසම් යොදා

ගම්මැද්දේ ජන සෙල්ලම්
දැන්වීම් වලට පමණක් ඔබා
පවත්වති විකාර බහුරූප තරග
එකෙකු පරයා එකෙකු නැගෙන්නට

තරගෙට බීම බීම, බිස්කට් කෑම
වාසනා චක්‍ර කැරකවීම, තොප්පි මාරු කිරීම
අහෝ........
වසන්ත උදානයක අරුම

නැකත් නොනැකත් දෙකම එක සේ
රූපවාහිනියෙන්, ෆෝන් එකෙන්
ඇත අපේ උන්
වැඩ අල්ලා

පාට යොදා පින්තාරු කල මුහුණු
නලවමින් යන අග පසග
තබා ඇත වෙන්දේසියෙහි
විකිනෙන්නට....

කඩපිල්වල,සැණකෙලියේ,බාර් එකේ
රූපවාහිනියේ,ගුවන්විදුලියේ
යහමින් විකුණාගෙන කති
ගම්මැද්දේ අවුරුද්ද

ඔබ සැමට සුභ අලුත් අවුරුද්දක් වේවා.......

සහෝදර මිතුරුදමට

රස නැති කැවිලි වත් නොමැතිව

කුසගින්නට බඩපොත්ත පිච්චෙන විට
පාවහන් යුගල ගෙවී ගොස්
බොරලු, දෙපයට සිනාසෙනවිට
කල්ගිය රෙදි වැරලි
ගතට සරදම් කරන විට
ඇල්මෙන් අකුරු උගනින්නට
කඩු පහර හරස් වන විට
පිරී ඉතිරී ගිය මිතුදම්
සදාකල් රැදේවා..........

උපාධියක මහත.........

අපේ අම්මා මා හැදුවේ

උපාධියක් අරන් නොවේ........

අපේ තාත්තා මා හැදුවේ

උපාධියක් අරන් නොවේ.......

වාසිටි ඉදලා මම එන්නේ

රස්සාවක් අරන් නොවේ.......

ඔබ දෙපලට සලකන්නට

උපාධියක් හිසේ තියේ.........

පිං කැටය

තුන්ලොවක් වෙත
මොක් මග පෑදු
අප මහ බුදුපියාණන්
ඉදිරිපිට තබා ඇත
පිං කැටය

පිං කැමති අයවලුන්
නිතර යන එන බැතිමතුන්
දමා යති ශත ගණන්
පිංකමක් පතමිනේ

පිවිතුරු මල් මිටක්
මිස කුණු වැටුනු මිල මුදල්
එපා තබන්නට
බුදු සමිදු ඉදිරියේ

ඇය සුදුයි
උසයි
නමින් දික්තලය

ඔහු කලුයි
මිටියි
නමින් කාලගෝලය

සත් වසක් කඹුරා
රැගෙන යයි ඔහු ඇයව
සහේට කැන්දා

මගදී අතරමග
හමුවුණි දික්පිටිය
කඩවසමින් යුතු

බිදුනි සිත කාල ගෝලගෙන්

බැදුනි සිත දික්පිටියාට
පැනගියාය ඈ

වියතුන් සභා මැද
උරුම උනි දික්තලට ඇයව
උරුම උනි කාලගෝලට දුකම

කලක් ගත උනි මෙලෙස
දික්පිටිය හා දික්තල
පවුල් කෑහ එකට

එහෙත් දිනක්
දැන ගතිනි ඇය
දික්පිටිය විවාහක බව
දරුවන්ද සිටින බව

ඇරඹුණි ආරවුල
දික්තල වැටුණි මහ පාරට
දික්පිටිය වැටුණි භාරයට සිය අඹුගෙ

නැත යාමට මගක්
නැත පිළිසරණක්
සිහිවුණි දික්තලට කාලගෝලව

දිරිකොට සිත
පැමිණියාය
හමුවන්නට ඔහුව

පුදුමයකි සිත
අරුමයකි ආදරය
භාරගතිනි ඔහු ඇයව
දරුවකුද සමග

නිමවුනි මෙලස
අදියර දෙවෙනි
දික්තල කාලගෝල